ABARIRIMBIRAMANA BA PARUWASE BUKIRASAZI BARAGIYE KURAMUTSA BAGENZI BABO BO MURI PARUWASE SHANGA

Hari kuri uyu w’Imana, igenekerezo rya 21/05/2023. Urwo rugendo rwari rugizwe n’abaririmbiramana bo muri Paruwase BUKIRASAZI baherekejwe n’Umusaserdoti, Patiri Ferdinand. Hakaba hari mu ntumbero yo kuramutsa benewabo basagiye ubutumwa bwo kumenyesha Inkuru nziza biciye mu ndirimbo bo muri Paruwase SHANGA.

Abo bashitsi, ninabo baciye bafasha abakristu gusenga mu kuririmba mu Nkuka ya misa ya kabiri. Iyo Nkuka ikaba yaherejwe n'umusaserdoti w’umushitsi ahagatiwe na Patiri Désiré, patiri mukuru wa Paruwase SHANGA. Abo baririmbiramana barakiriwe na bagenzi babo bo muri Paruwase SHANGA bimwe biteye igomwe ; babicishije mu mu karirimbo bari babateguriye ko kwakira abashitsi.

Inkuka ya misa iheze, haciye haba inkino za kivandimwe zabahuje m’umupira w'amaguru n'uw’amaboko (basketball). Muw’amaguru, iyo migwi yose yaranganije 2-2 ; muw’amaboko naho, umugwi w'i BUKIRASAZI ukaba ariwo watahukanye intsinzi ku manota 32 kuri 18 w'abanyeshanga. Izo nkino zirangiye baciye bagenda kwirabira amasumo ya KARERA. Bavuyeyo baca baja kwivuna umusase mu nyubakwa yo kwakiriramwo abashitsi ya Paruwase SHANGA.

Twobamenyesha ko abafashe amajambo bose, bakengurutse cane bagira bati vyerekana ubumwe n'urukundo dufitaniye. Abandi nabo bati ese ukuntu twakiriwe neza, tukakiranwa umunezero n'igisika ! Ivyo birori bikaba vyasozerewe n’umuhezagiro watanzwe n'abo basaserdoti bompi.

Foscius HAVYARIMANA