![Image](/images/2023/04/14/pelerins.png)
![Image](/images/2023/04/14/pelerins.png)
Ku wa 18/10/2023, Paruwase Shanga, yo muri Diyoseze Rutana, yarahimbaje Umweranda-muvunyi wayo Tereziya Mweranda w'Umwana Yezu no mu maso heranda. Kuri uyo musi harategekanijwe kandi n’umugirwa wo kubisikanya mu butumwa kwa Patiri Mukuru Sinzo Désiré na Dismas Ndayiragije. Iyo migirwa yari iremeshejwe n’Umwungere ahagarariye Diyoseze Rutana, Nyenicubahiro Musenyeri Bonaventura NAHIMANA.
Umusi mukuru watanguye isaha zine n'iminota mirongo ine n'itanu zo mu gitondo. Muri Paruwase ya Shanga twobamenyesha ko uyo musi usanzwe uhimbazwa ku wa 1/10 uko umwaka utashe. Yamara, abarongoye Paruwase bashimye kuwurindiriza umusi w'ibisikanya rya Patiri Mukuru na mugenzi we.
Inkuka ya misa ikaba yatanguriye ku rugendo imbere y'inyubakwa za Paroisse rushikana mu ngoro y'Imana nshasha iriko irubakwa. Twobamenyesha kandi ko abasaserdoti batari bake bari bitavye urwo rubanza.
Umwungere akaba yarahezagiye n'ikengeri nshasha izoza iravyura abakristu ba Shanga kugira ntibaze bacererwe gusenga k'Umusi w'Imana n'iyindi misi.
Mu nkuka y’Imisa, Umwungere yarashimiye abakristu k’ukwitanga mu kwubaka umuryango wa Paruwasi yabo biciye mu gushigikira abasaseredoti no mu kwiyubakira bonyene ingoro y'Imana nini kandi nziza, akabasabira ingoga zo gushishikara ivyo bikorwa.
Yarashikirije Patiri Mukuru Disimasi Ndayiragije yakoreye mu ngata uwahahora Désire Sinzo yarungitswe mu butumwa bwo kumenyesha Inkuru nziza mu Butaliyano.
Twobamenyesha ko Inkuka ya Misa isohotse, inyuma yo gusangira amasakramentu, baciye baja mu gatutu gusangira amasaka nayo. Abakristu, imihari n'imirwi y'ubutumwa bakaba baramusezeye bamwifuriza ubutumwa bwiza bongera bamuha n'agakoni k'urugendo Kari kagizwe n'amabahasha menshi cane. Umusi mukuru ukaba warangiye mu kanyamuneza ntangere.
Foscius Havyarimana